Мақалада «Бір белдеу, бір жол» (Belt and Road Initiative — BRI) халықаралық бастамасы аясында дауларды алдын алу және шешу үшін құқықтық тетіктер мен цифрлық құралдарды қалыптастырудың заманауи тәсілдері қарастырылады. Авторлар бір белдеу, бір жол елдері үшін құқықтық өзара іс-қимылдың бірыңғай цифрлық платформасын құрудың қажеттілігін негіздейді.

Жұмыста мұндай платформаның негізгі міндеттері айқындалады: онлайн-арбитраж бен медиация рәсімдерін үйлестіру, құқықтық прецеденттер мен аналитикалық материалдармен алмасу, инвестициялық келісімдерді «электрондық сараптау» құралдарын енгізу, сондай-ақ заңгерлерді даярлауға арналған білім беру модульдерін дамыту. Зерттеу әдістемесі салыстырмалы-құқықтық талдау, институционалдық тәсіл және заң ғылымы мен мемлекеттік органдардың өкілдерімен жүргізілген сараптамалық сұхбаттарға негізделген.

Мақаланың практикалық мәні цифрлық құқықтық құралдарды институционализациялау бойынша нақты ұсыныстар әзірлеуден, академиялық алмасу желісін құрудан және трансшекаралық құқықтық тәуекелдерге алдын ала ден қою тетіктерін қалыптастырудан көрінеді. Зерттеу нәтижелері екіжақты және көпжақты құқықтық бастамаларды әзірлеуде, цифрлық әділдікті интеграциялау жөніндегі жол карталарын құруда және халықаралық инвестициялар саласындағы ұлттық заңнаманы жетілдіруде қолданылуы мүмкін.