Бұл мақалада Еуропалық Одақтың Орталық Азия елдеріне қатысты сыртқы саясатының ээкономикалыққұралдары қарастырылды. Бұл тақырыптың өзектілігі әлемдік саясаттағы экономикалық тетіктердің маңыздылығының артуына және ірі халықаралық субьектілер арасындағы бәсекелістіктің күшеуіне байланысты. Зерттеудің мақсаты- ЕО осы құралдары өзінің стратегиялық мүдделерін және Орталық Азиядағы еуропалық даму моделін ілгерілету үшін қалай пайдаланатынын анықтау және талдау. Жалпы экономикалық құралдарға тарифтер мен сауда келісімдері, инвестициялар мен инфрақұрылымдық жобалар, қаржы саясаты, ресми даму көмегі, қауіпсіздік құралдары, жасыл дипломатия және санкциялар жатады. Бұл жұмыстың өзектілігі ЕО-ның негізгі экономикалық бастамаларын, соның ішінде Стратегиялық серіктестікті, инвестициялық қолдау құралдарын және ресми даму көмегі бағдарламаларын кешенді зерттеу қажеттілігінен туындайды, олардың Орталық Азия елдеріне әсеріне баса назар аударылады. Бұл зерттеудің практикалық құндылығы алынған нәтижелерді ЕО тәсілдерін тереңірек түсіну үшін, сондай-ақ аймақтың тұрақтылығын нығайтуға, цифрлық жаңғыртуды ынталандыруға және жасыл энергияны ілгерілетуге бағытталған тәсілдердің тиімділігін талдау үшін пайдалану мүмкіндігінде жатыр.