Бұл ғылыми  мақалада қарулы  қақтығыстар кезінде  адам құқықтарының  бұзылуын тіркеу  және тергеу  үшін онлайн  платформалар мен  цифрлық құралдарды  қолдану мүмкіндіктері  қарастырылады. Зерттеу  әлеуметтік желілердің,  арнайы интернет-ресурстардың және  ашық ақпарат  көздері (OSINT)  әдістерінің халықаралық  гуманитарлық құқық  және адам  құқықтарын бұзушылықтарды  анықтау, растау  және тарату  үдерісінде рөлін  көрсетеді. Мұндай  технологиялардың артықшылықтары  мен олармен  байланысты қиындықтар,  соның ішінде  ақпараттың шынайылығы,  деректерді тексеру,  заңды талаптарға  сәйкестігі және  цифрлық дәлелдерді  қолданудағы қауіпсіздік  мәселелері талқыланады.  Сонымен бірге,  халықаралық ұйымдар,  адам құқықтары  жөніндегі ұйымдар  және сот  органдарының қақтығыстар  кезінде интернет-ресурстарды пайдалану  тәжірибесі қарастырылып,  олардың жауапкершілікті  арттыру мен  адам құқықтарын  қорғаудағы маңыздылығы  бағаланады