Қырымтатар халқы үшін ауыр қайғыға толы күн – 1944 жылғы отанынан күштеп жер аударылғанына 80 жыл толуына орай, бұл зерттеуде әйелдің, яғни мұсылман қырымтатар әйелінің тарихи оқиғалардағы рөлі ашылып, сипатталады. Белгілі болғандай, қырымтатар қоғамында әйел әрдайым ұлттың бір бөлшегі болып табылатын адамдарды дүниеге әкелуде, тәрбиелеуде және білім беруде маңызды орын алады. Қырым хандығы құрылған кезеңнен бастап бүгінгі күнге дейінгі ұзақ тарихи үдеріс барысында қырымтатар әйелдері түркі және өзге де этностардың тарихында саяси, әлеуметтік-ағартушылық және рухани салаларда елеулі рөл атқарды. Нур Сұлтан хатун, Шефика Гаспралы, Алиме Абденнанова, Айше Сейітмуратова, Сабрие Сеутова, Сабрие Эреджепова сынды көрнекті тұлғалар қырымтатар халқына қатысты тарихи үдерістерге айтарлықтай ықпал етті. Осылайша, қырымтатар әйелінің әлеуметтік мәртебесі қалыптасты. Зерттеудің негізгі мақсаты – ислам дінін ұстанатын қырымтатар әйелдерінің мәдени-тәрбиелік рөлін және әлеуметтік-саяси мәртебесін айқындау.